Hawliau a Chyfrifoldebau

Rydym yn parchu'ch hawl i breifatrwydd ac yn cadw'ch holl wybodaeth iechyd yn gyfrinachol ac yn ddiogel. Mae'n bwysig bod y GIG yn cadw cofnodion cywir a diweddar am eich iechyd a'ch triniaeth fel y gall y rhai sy'n eich trin roi'r cyngor a'r gofal gorau posibl i chi. Mae'r wybodaeth hon ar gael i'r rhai sy'n ymwneud â'ch gofal yn unig ac ni ddylai unrhyw un nad yw'n ymwneud â'ch gofal ofyn i chi am wybodaeth feddygol
Byddwch yn cael eich trin fel partner yn y gofal a'r sylw a gewch
Byddwch yn cael eich trin fel unigolyn a byddwch yn cael cwrteisi a pharch bob amser. Gofynnwn i chi hefyd drin y meddygon a staff y practis gyda chwrteisi a pharch a dangos ystyriaeth i gleifion eraill trwy wneud defnydd cyfrifol o'n gwasanaeth i chi
Rydym yn gweithredu POLISI DIM GODDEFGARWCH ac yn cymryd o ddifrif unrhyw ymddygiad bygythiol, ymosodol neu dreisgar yn erbyn unrhyw un o'n staff neu’n cleifion. Os yw claf yn dreisgar neu'n ymosodol, gallwn arfer ein hawl i weithredu i'w dynnu, ar unwaith os oes angen, o'n rhestr gleifion
Yn dilyn trafodaeth byddwch yn derbyn y gofal mwyaf priodol, a roddir gan bobl â chymwysterau addas. Ni roddir unrhyw ofal na thriniaeth heb eich cydsyniad ar sail penderfyniad cytbwys
Gwneir pob ymdrech i sicrhau eich bod yn derbyn gwybodaeth, sy'n effeithio'n uniongyrchol ar eich iechyd a'r gofal sy'n cael ei gynnig
Rhowch wybod i ni cyn gynted â phosibl, os gwelwch yn dda, os byddwch chi'n newid eich enw, eich cyfeiriad neu’ch rhif cyswllt
Ein gwaith ni yw rhoi triniaeth a chyngor i chi. Er budd eich iechyd mae'n bwysig eich bod yn deall yr holl wybodaeth a roddir i chi. Os gwelwch yn dda, gofynnwch gwestiynau i ni os nad ydych yn gallu deall yr holl wybodaeth
Cofiwch, os gwelwch yn dda, mai chi yw'r un sy'n gyfrifol am eich iechyd eich hun ac iechyd eich plant a'n bod ni yma i roi help a chyngor proffesiynol i chi
Gallwch ein helpu trwy gysylltu â ni os na allwch gadw apwyntiad fel y gellir ei gynnig i rywun arall. Efallai y gofynnir i gleifion sy'n mynychu apwyntiad yn rhy hwyr i naill ai aros tan ddiwedd sesiwn y feddygfa neu wneud apwyntiad pellach am ddiwrnod arall